Astanada Túrkııa azamatyn óltirgen qylmyskerler quryqtaldy
ASTANA. 8 tamyz. QazAqparat -Іshki ister mınıstrligi men Astana qalalyq ishki ister departamentiniń krımınaldyq polıtsııa qyzmetkerleri Astana qalasynda Túrkııa azamatyn óltirý qylmysyn ashty.
Ol boıynsha Ońtústik Qazaqstan oblysynyń eki turǵyny ustaldy. Bul týraly búgin ІІM ótken brıfıng barysynda vedomstvo baspasóz qyzmetiniń basshysy Nurdildá Oraz málim etti.
Eske salsaq, 24 shildede Astana qalasy mańyndaǵy Zarechnyı kentindegi shunqyrda zorlap óltirý belgileri bar 43 jastaǵy Túrkııa azamatynyń máıiti tabylǵan bolatyn. Túrkııa azamaty qurylys salasynda kásipkerlik qyzmetpen aınalysqan. Osyǵan oraı, keshendi jedel-izdestirý is-sharalarynyń nátıjesinde qylmys jasaǵany úshin Ońtústik Qazaqstan oblysynyń 20-25 jastaǵy eki turǵyny ustaldy. Kúdiktiler jábirlenýshiniń kásipornynda jumys istegen bolyp shyqty. Qylmyskerlerdiń kásipkerdiń qomaqty qarjysyn ıemdengisi kelgeni anyqtaldy. Osy maqsatta olar jábirlenýshini urlap, keıin ony óltirýdi aldyn ala josparlaǵan. Qazirgi ýaqytta kúdiktiler qamaýǵa alynyp, qasaqana kisi óltirý faktisi boıynsha qylmystyq is qozǵaldy, tergeý amaldary júrgizilýde.
Qylmysqa qatysýshylardy izdestirý boıynsha is-sharalar qoldanýda.
