Astanada Túrkııa azamaty ashanada ystyq shaı úshin tóbeles shyǵarǵan
ASTANA. QazAqparat - Astanada Túrkııa azamaty ashanada ystyq shaı úshin tóbeles shyǵarǵan, dep habarlady qala prokýratýrasynyń baspasóz qyzmetinen.
11 qyrkúıekte saǵat 12:20-da Astana qalasynyń ІІD-ne «Nazarbaev Ýnıversıteti» qurylys nysanynyń jumysshylary men ashana qyzmetkerleri, atap aıtqanda Túrkııa jáne Qazaqstan azamattary arasynda tóbeles shyqqany týraly habar kelip túsken. «Oqıǵa ornyna Astana qalasynyń prokýrory M.Jórgenbaev pen qalalyq ІІD bastyǵy A.Áýbákirov bardy. Keıin belgili bolǵandaı, qurylys nysanynyń jumysshysy Túrkııa azamaty ashana qyzmetkerine ystyq shaıdyń bolmaýy men taǵamnyń sapasyna qatysty syn aıtqan. Keıin olar janjaldasyp, sońy tóbeleske ulasqan», delingen habarlamada. Vedomstvo aqparatynsha, qala prokýrory osy jerde júzdesý uıymdastyryp, onda qurylys nysanynyń ákimshiligi men jumysshylary ystyq shaıdyń joqtyǵyn aıtyp, taǵam sapasyna qatysty narazylyqtaryn bildirgen. «Nátıjesinde ashanaǵa ystyq shaı qaınatatyn termosháınekter ornatyldy. Astana qalalyq sanıtarlyq-epıdemıologııalyq qyzmeti ashana taǵamdarynan synama aldy, onyń sanıtarlyq normaǵa sáıkestigin tekseredi. Ákimshilik taǵam sapasyn arttyrýǵa ýáde berdi», delingen habarlamada. Janjal týdyrǵan tulǵalarǵa qatysty qalalyq ІІD tergeý amaldaryn júrgizýde.