Astanada túrkitanýshy-ǵalym N.Kelimbetovtiń týǵanyna 75 jyl tolýyna oraı ǵylymı konferentsııa ótti
ASTANA. 5 sáýir. QazAqparat - Keshe Astanadaǵy Túrki akademııasynda belgili túrkitanýshy-ǵalym, jazýshy, aýdarmashy, professor Nemat Kelimbetovtiń týǵanyna 75 jyl tolýyna oraı «Túrki halyqtarynyń ejelgi ádebı jádigerlikteri jáne Nemat Kelimbetov shyǵarmashylyǵy» taqyrybynda respýblıkalyq ǵylymı-praktıkalyq konferentsııa ótti.
Ǵalym N.Kelimbetov - ejelgi túrki jazba ádebıetin keńinen zerttegen Alash azamattarynyń biri. Ol qazaq ádebıetiniń túp tórkini Kúlteginnen emes, odan da buryn - ǵun-saq dáýirinen bastaý alatyndyǵyn dáleldep berdi. Búgingi tańda onyń «Ejelgi dáýir ádebıeti» atty kitapty Qazaqstannyń barlyq joǵary oqý oryndary paıdalanyp keledi. Osy eńbeginde ǵalym qazaq ádebıetiniń úsh myń jyldyq tarıhyn zerdelep, árbir dáýirde batyr babalarymyzdyń qaldyryp ketken rýhanı jádigerlerin izdep, bir júıege túsirgen. Sol baı rýhanı muranyń ǵylymı-tanymdyq qyryn, kórkemdik qundylyǵyn naqyshty tilmen jetkize bildi. Budan basqa da jazýshy-aýdarmashy N.Kelimbetovtiń shyǵarmalary barshylyq. Olardyń ishinde «Úmit úzgim kelmeıdi» atty týyndysyn erekshe atap ótken jón. Taǵdyr tálkegine túsken N.Kelimbetovtiń ómir synynan ótip, óz-ózimen arpalysýy osy bir eńbekte baıandalady. Osy shyǵarmasy úshin ol ıÝNESKO-nyń F.Kafka atyndaǵy Eýropa qoǵamynyń altyn belgisimen de marapattaldy.
Astanada ótken jıynǵa Úkimet basshysynyń orynbasary, ǵalymnyń uly Qaırat Kelimbetov, QR Bilim jáne ǵylym mınıstri Baqytjan Jumaǵulov, Túrki akademııasynyń prezıdenti Shákir Ybyraı, belgili túrkitanýshy-ǵalymdar men jazýshylar qatysty.
