Astanada Túrkistan oblysynyń ónimderi arzan baǵamen satylyp jatyr
ASTANA. QazAqparat - Astanada jyl saıyn uıymdastyrylatyn Qazaqstan óńirleriniń aýylsharýashylyq jármeńkesi maýsymy ashyldy, dep habarlaıdy QazAqparat tilshisi elorda ákimdigine silteme jasap.
Jármeńkege Túrkistan oblysynyń sharýalary jalpy quny 122,8 mln teńge bolatyn 286 tonna azyq-túlik jetkizdi.
«Atap aıtqanda, túrkistandyqtar 65 tonna et jáne et ónimderi, 101 tonna kókónis,18 tonna sút ónimderi, 23 tonna jemis-jıdek, 20 myń dana jumyrtqa, 6 tonna balyq, 5 tonna bal, 5 tonna keptirilgen jemis, 4 tonna túrli konserviler jáne basqa da ónimder ákeldi. Olardyń quny naryqtaǵy baǵadan anaǵurlym tómen», - delingen Astana ákimdiginiń resmı habarlamasynda.
Ákimdik keltirgen derekterge súıensek, jármeńkedegi kartop baǵasy - 80-110 tg/kg, oramjapyraq - 80 tg/kg, pııaz - 70 tg/kg, sábiz - 110-120 tg/kg, qııar - 150 tg/kg, qyzanaq - 200 tg/kg bolyp belgilengen.
Túrkistan oblysynyń aýylsharýashylyq jármeńkesi maýsymnyń 23-24 kúnderi «Qazaqstan» sport kesheniniń avtoturaq aımaǵynda ótkiziledi.
