Astanada túrki jurtyna ortaq 400-den astam kitap kórmege qoıyldy
ASTANA. 29 naýryz. QazAqparat - «Astana-2012 - túrki áleminiń mádenı astanasy» jylynyń aıasynda elordada «Túrki rýhy tórimde shalqyp» taqyrybynda kitap kórmesi ashyldy.
Kórmege 400-ge jýyq kitaptar men jýrnaldar, elektrondyq resýrstar, muraǵat qujattary, sondaı-aq Astananyń birqatar ǵımarattarynyń maketteri qoıyldy.
Kórmeniń basty maqsaty - túrki áleminiń ádebı jádigerlerin, rýhanı murasyn, Qazaqstannyń túrkitildes halyqtarynyń rýhanı-tarıhı birligin qalyptastyrý men nyǵaıtýdaǵy rólin, elimizdiń elordasy - Astananyń mádenıet salasyndaǵy halyqaralyq seriktestikti quratyn ulttar birliginiń ortalyǵy retindegi rólin ashyp kórsetý.
QR Ulttyq akademııalyq kitaphanasy aldaǵy ýaqytta «Astana-2012 - túrki áleminiń mádenı astanasy» jylynyń aıasynda Túrki akademııasynyń shyǵarǵan ǵylymı-zertteý jumystarynyń tusaýkeserin, «Túrki halyqtarynyń tili men mádenıetiniń dıalogy: tarıhy jáne qazirgi zaman» taqyrybynda halyqaralyq ǵylymı konferentsııa, «Til. Etnos. Mádenıet» taqyrybynda dóńgelek ústel, Buqarbaı Estekbaıulynyń týǵanyna 200 jyl tolýyna oraı poezııa keshin, dárister syndy birqatar is-sharalardy ótkizýdi josparlap otyr.
