Astanada túrki halyqtarynyń mýzykalyq festıvali shymyldyǵyn ashty
«Búgin ICTM Dúnıejúzilik konferentsııasy aıasynda Turksoy halyqaralyq uıymy uıymdastyryp otyrǵan túrki halyqtarynyń mýzykalyq festıfali bastaldy. Bul festıval kúlli túrki halyqtary ónerpazdarynyń basyn qosady. Eki kúnge sozylatyn shara barysynda san ǵasyrlar boıy qalyptasqan jáne san taraýǵa bólingen túrki halyqtarynyń mýzyka ónerin barlyq dúnıe júzi halyqtary tamashalaıdy degen oıdamyz. Sonyń ishinde Eýrazııa qurlyǵynyń kindiginde ornalasqan qazaq halqynyń mýzykalyq qazynasy taǵy bir márte álem jurtshylyǵyna qýanysh syılaıdy», - dep atap ótti QazUÓÝ mýzykataný kafedrasynyń dotsenti Merýert Qurmanǵalıeva. Aıta keteıik, búgingi festıvaldi ashqan kontsert «Music of City, Village, and Steppe - Qala men aýyldyń jáne dalanyń mýzykasy» degen taqyryppen ótti. Erteńgi kontsert «Legends of the Great Steppe - Uly dala ańyzdary» degen taqyrypta bolady. Kontsertti kez kelgen adam tamashalaı alady.