Astanada túrki áleminiń ıntegratsııasy jáne qazirgi zamannyń damý úrdisi talqyǵa tústi
ASTANA. QazAqparat - Búgin Astanadaǵy Beıbitshilik jáne kelisim saraıynda Halyqaralyq Túrki akademııasy Ǵylymı keńesiniń alǵashqy otyrysy bolyp ótti. Jıynǵa Akademııany qurýshy memleketterdiń Bilim jáne ǵylym vıtse-mınıstrleri jáne birqatar BAQ ókilderi qatysty, dep habarlady akademııanyń baspasóz qyzmetinen.
Alqaly jıyndy Túrki keńesiniń bas hatshysy Ramıl Hasanov quttyqtaý sózimen ashyp, Halyqaralyq Túrki akademııasynyń prezıdenti Darhan Qydyráli júrgizip otyrdy.
Basqosý barysynda Ǵylymı jobalardy júzege asyrýdyń qaǵıdalary men erejeleri jáne Akademııa aldaǵy jyly júzege asyratyn ǵylymı-zertteý jobalarynyń baǵyttary talqylandy. Qatysýshylar Túrki áleminiń ıntegratsııasy jáne qazirgi zamannyń damý tendentsııalary týraly da ózara pikir almasty. Atap aıtqanda, Ázerbaıjan Respýblıkasy Bilim mınıstriniń orynbasary Gýrbanov Fırýdın Isa ogly, Qyrǵyz Respýblıkasynyń Bilim jáne Ǵylym mınıstriniń orynbasary Bekboev Adılet Zarlykovıch, Túrkııa Respýblıkasy Ulttyq bilim mınıstrliginiń jaýapty hatshysy Tekın ıÝsýf, QR Bilim jáne ǵylym mınstrligi Ǵylym komıtetiniń tóraǵasy Joldasbaev Sansyzbaı Eleýsizuly óz oılaryn ortaǵa saldy. Conymen qatar, Halyqaralyq Túrki akademııasy Ǵylymı keńesiniń kelesi otyrysynyń ótý kúni anyqtalyp, alqaly basqosýdyń Hattamasy maquldandy. Jıyn sońynda uıym basshysy D.Qydyráli qonaqtarǵa Akademııa basyp shyǵarǵan qundy eńbekterdi syıǵa tartty. Aıta ketý kerek, Baký qalasynda ótken 2014 jyly 28 qarashada Túrki keńesi Bilim mınıstrleriniń ІІІ-otyrysynda taraptar Túrki akademııasynyń Ǵylymı keńesin qurý týraly sheshim qabyldaǵan bolatyn. Keńestiń quramyna Túrki keńesi Bilim mınıstrleri, Túrki akademııasynyń prezıdenti men vıtse-prezıdentteri kiredi.
