Astanada Túrki álemi Ǵylym Akademııalary odaǵyn qurý týraly qujatqa qol qoıylady
«Túrki keńesine múshe memleket basshylarynyń 2012 jylǵy 23 tamyzda Bishkekte ótken ІІ Sammıtiniń deklaratsııasynda ǵylym men bilim salasyndaǵy keń aýqymdy yntymaqtastyqty damytýǵa aıryqsha nazar aýdarylǵan. Osyǵan oraı, 2014 jylǵy 28 qarashada Bakýde ótken Túrki Keńesine múshe memleketter Bilim mınıstrleriniń ІІІ kezdesýinde Halyqaralyq Túrki akademııasyna Túrki álemi Ǵylym akademııalary odaǵyn qurý jóninde ókilettilik berilgen bolatyn.
Soǵan baılanysty 2015 jyldyń 29 maýsymynda Halyqaralyq Túrki akademııasy Astana qalasynda atalǵan akademııalar odaǵynyń alǵashqy quryltaı jıynyn ótkizedi», delingen habarlamada. Basqosýǵa Ázerbaıjan, Qazaqstan, Qyrǵyzstan, Túrkııa, Tatarstan, Túrkimenstan, Bashqurtstan ulttyq ǵylym akademııalarynyń basshylary, Majarstan, Mońǵolııa elshileri, sonymen qatar Túrki Keńesi, Túrki keńesiniń aqsaqaldar keńesi, Túrki keńesi ýnıversıtetter odaǵy qatarly halyqaralyq uıym jetekshileri men joǵarǵy laýazymdy tulǵalar qatysady. Halyqaralyq Túrki akademııasy uıymdastyryp otyrǵan quryltaı sessııasynda Túrki álemi Ǵylym Akademııalary Odaǵyn qurý týraly qujatqa jáne onyń jumysyn retteıtin negizgi Erejege qol qoıylady.
