Astanada Túrki memleketteriniń syrtqy ister mınıstrleri bas qosty
QR Syrtqy ister mınıstrliginde Túrki memleketteri uıymynyń syrtqy ister mıınstrleri keńesiniń jabyq otyrysy ótip jatyr, dep habarlaıdy Kazinform.
Syrtqy ister mınıstrleri keńesiniń otyrysyna TMU-ǵa múshe meleketterdiń, baıqaýshy elderdiń syrtqy ister mınıstrleri jáne halyqaralyq uıym ókilderi qatysýda.
Otyrystyń ashylýynda QR Syrtqy ister mınıstri Murat Nurtileý túrkııalyq áriptesi Hakan Fıdandy Túrkııa Respýblıkasynyń 100 jyldyǵymen quttyqtady.
Baýyrlas túrik eline úılesim, progress jáne odan ári órkendeý tiledi.
«TMU mereıtoılyq onynshy sammıti jáne mınıstrler keńesiniń Qazaqstanda – túrki ata-babalarynyń jerinde ótýiniń sımvoldyq máni bar. 1993 jyly shildede Túrkitildes memleketterdiń alǵashqy sammıti Qazaqstanda ótken edi. Memleketterimizdiń basshylary búgin Astana aktisi men Deklaratsııasyn qabyldap, uıymymyz úshin jańa taraýyn ashý úshin jınalyp otyr. Bul kórnekti qujattar bizdiń kóshbasshylarymyzdyń túrki halyqtarynyń ortaq tarıhyna, tiline, mádenıetine, dástúrleri men qundylyqtaryna negizdelgen jarqyn bolashaqqa degen birlesken kózqarasyn aıǵaqtaıdy», - dedi Qazaqstannyń Syrtqy ister mınıstri.
Murat Nurtileýdiń alǵysózinen keıin delegatsııa basshylary alfavıt tártibinde málimdeme jasaıdy jáne uıymǵa múshe memleketter men baqylaýshylar atynan qatysatyn árbir spıkerge sóz sóıleý úshin 7 mınýt beriledi.
Túrki yntymaqtastyǵy uıymdarynyń basshylary men aqsaqaldar keńesiniń tóraǵasyna 3 mınýt ýaqyt beriledi.
Otyrys saǵat 10.00-de Túrki memleketteri uıymynyń tıisti qujattary men sheshimderin qabyldaýmen aıaqtalady dep josparlanǵan.
Osydan keıin Túrki memleketteri uıymynyń sammıti baǵdarlamasyna sáıkes mınıstrler Aqordaǵa barady.
Aıta keteıik, 2021 jylǵy 12 qarashada Ystanbulda ótken Túrki tildes elderdiń yntymaqtastyq keńesi sammıtinde Túrki keńesiniń ataýy Túrki memleketteriniń uıymy bolyp ózgertildi.
Búgin elordada Túrki memleketteri uıymynyń (TMU) mereıtoılyq H sammıti ótedi.
Bul jıynǵa Túrki memleketteri uıymyna múshe Ázerbaıjan, Qyrǵyzstan, Túrkııa, Ózbekstan prezıdentteri, sondaı-aq TMU-daǵy baqylaýshy memleketter – Majarstan men Túrikmenstan basshylary qatysady.
Sammıt «Túrki dáýiri» uranymen ótetin joǵary deńgeıdegi pikirtalastar úshin mańyzdy alań bolady.
