Astanada týrısterge arnalǵan biryńǵaı elektrondy kartalar shyǵarylady
ASTANA. QazAqparat - Astanaǵa kelgen týrısterge yńǵaıly bolý úshin biryńǵaı elektrondy karta paıda bolady, dep habarlaıdy «QazAqparat» HAA tilshisi Astana Konvenshn Bıýro dırektory Sanııar Aıtekenovke silteme jasap.
«Bul úshin uzaq eńbek ettik, endi mine, nátıjege de qol jetkizdik. Jaqynda Astanada týrısterge arnalǵan biryńǵaı elektrondy karta shyǵarylady. «Astana CityPASS» - týrısterge arnalǵan elektrondy karta túrindegi qalanyń týrıstik ındýstrııasyna arnalǵan biryńǵaı ónim. Bul kartamen mýzeılerge, qalanyń betkeustar nysandaryna barýǵa bolady, eki qabatty avtobýsynda, Esil kemesiniń bortynda ekskýrsııa jasaýǵa bolady», - dep jazdy Sanııar Aıtekenov áleýmettik jelige.
Onyń habarlaýynsha, bul jınaq úsh tildegi jolbasshymen, qala kartasymen, jeńildikter týraly aqparat jáne SIM-KARTAMEN tolyqtyrylǵan.
«Qazir biz CityPASS ishindegi Recommended by EXPO-2017 qalanyń seriktes mekemelerimen jeńildikterdi ıntegratsııalaý jumystary júrip jatyr», - dep tolyqtyrdy Astana Konvenshn Bıýro dırektory.
Astana Konvenshn Bıýro - Astana qalasynyń ınvestıtsııalar jáne damý basqarmasy qurylymyndaǵy JShS, ol elordanyń týrıstik salasyn josparlaý, damytý boıynsha negizgi uıym bolyp sanalady.
