Astanada týrısterge arnalǵan arnaıy kólik kartasy engizildi
ASTANA. KAZINFORM – Elorda qonaqtaryna qoǵamdyq kólikti paıdalaný burynǵydan da jeńildeı tústi. Astana halyqaralyq áýejaıynda qala ishinde qatynaýǵa arnalǵan týrıstik kólik kartalary qoljetimdi boldy.
Joba Visit Astana, City Transportation Systems (CTS) jáne Avtobys elektrondy jolaqy tóleý júıesin damytyp otyrǵan Innoforce IT-holdıngi birlesip júzege asyrdy.
Týrıstik karta qala qonaqtaryna qosymsha mobıldi qosymshalardy ornatpaı-aq jáne tsıfrlyq servısterge tirkelmeı-aq qoǵamdyq kólikti (qalalyq avtobýstardy) yńǵaıly paıdalanýǵa múmkindik beredi.
Týrıstik kartany áýejaıdan satyp alyp, birden qala boıynsha serýendeı berýge bolady.
— Týrısterdiń qolaılylyǵy úshin 5, 10 jáne 15 saparǵa arnalǵan kartalar usynylady. Bul árbir qonaqqa qalaǵa kelgen ýaqytyna qaraı ózine qolaıly nusqany tańdaýǵa múmkindik beredi. Qyzǵylt sary karta 5 saparǵa eseptelgen, baǵasy — 1 550 teńge. Kógildir karta 10 saparǵa arnalǵan, quny — 2 110 teńge. Al kók tústi karta 15 saparǵa jaramdy jáne 2 650 teńge turady, — delingen habarlamada.
Jolaqy tóleý elordanyń qoǵamdyq kólikterine ornatylǵan zamanaýı Avtobys tólem planshetteri arqyly oryndalady. Jolaýshylar úshin tólemniń birneshe yńǵaıly tásili qarastyrylǵan.
Bul qoǵamdyq kólikti paıdalanýdy qala turǵyndary men qonaqtary úshin jyldam, túsinikti ári jaıly etedi.
Sonymen qatar týrıster Avtobys mobıldi qosymshasyndaǵy marshrýt qurý qyzmetin paıdalana alady. Bul servıs qoǵamdyq kólikpen júretin baǵytty aldyn ala josparlaýǵa, ońtaıly marshrýtty tańdaýǵa, ózge qoǵamdyq kólikterge aýys minýdi jáne kólik qozǵalysynyń retin kórýge múmkindik beredi.
Sondaı-aq áýejaıdyń halyqaralyq reıster keletin aımaǵynda týrıstik aqparattyq dúńgirshek jumys isteıdi. Munda qala qonaqtary Astana týraly, týrıstik nysandar men baǵyttar jaıly qajetti aqparat alyp, týrıstik kólik kartasyn paıdalaný tártibimen tanysa alady.
Aıta ketelik Astanaǵa alys shetelden kelgenderdiń kóbi Qytaı men Mońǵolııa azamattary ekenin jazǵan edik.
