Astanada «Túrikmenstan: keshe jáne búgin» kórmesi ótti

ASTANA. QazAqparat - 16 qarasha kúni Astanada «Nursultan Nazarbaevtyń Bilim qory» qoǵamdyq qorynyń fılıaly - «Mıras» halyqaralyq mektebinde Túrikmenstan, Úndistan, Túrkııa, Frantsııa jáne basqa memleketter elshilikteriniń qatysýymen Mádenıetaralyq habardarlyq kúni ótti, dep habarlaıdy «QazAqparat» HAA Túrikmenstan Elshiligine silteme jasap.

Túrikmenstannyń Qazaqstandaǵy Elshiliginiń qoldaýymen, shara aıasynda «Túrikmenstan: keshe jáne búgin» kórmesi uıymdastyrylyp, baýyrlas eldiń kórikti jerleri, ulttyq kıimderi, mýzykalyq aspaptary, qolóneri, taǵamdary jaıyndaǵy kóptegen kitaptar usynyldy.

Saltanatty zalda Túrikmenstan Respýblıkasynyń Qazaqstandaǵy Tótenshe jáne Ókiletti Elshisi Toıly Kómekov myrzanyń qatysýymen kontsert boldy. Elshi «Mıras» mektebiniń basshylyǵyn, oqytýshylary men stýdentterin quttyqtady. Mundaı sharalardy ótkizýdiń mańyzyn tilge tıek etip, Túrikmenstan men Qazaqstan arasyndaǵy mádenı, ǵylymı-tehnıkalyq yntymaqtastyqty nyǵaıtýdyń kepili ekendigin atap kórsetti.