Astanada turǵynjaıdan shyqqan órt bir balanyń ómirin qıdy
ASTANA. QazAqparat - 3 naýryz kúni saǵat 09.29 mınýtta Astana qalasynyń TJD-ine órttiń oryn alǵany jaıynda habarlama kelip tústi. Oqıǵa ornyna jetken órt sóndirýshiler eki qabatty ǵımarattyń astyńǵy úıjaıynda 15 sharshy metr alańda bólmearalyq qalqa janyp jatqanyn kórdi. Bul týraly Astana q. TJD baspasóz qyzmetinen habarlady.
Kýágerlerdiń aıtýynsha, astyńǵy qabatta ata-anasymen birge sol jerde turyp jatqan bala bolǵan.
Órt sóndirýshiler birden balany izdeýge kiristi. Іzdeý barysynda jýynatyn bólmede ıis tıip kóz jumǵan 2009 jyly týylǵan balanyń denesi tabyldy. Órtti aýyzdyqtaýǵa 5 tehnıka, jeke quramnan 13 adam jumyldyryldy. Oqıǵa ornynda TJD men ІІD tergeý bóliminiń qyzmetkerleri jumys júrgizýde. Órttiń shyǵý sebepteri anyqtalýda.
