Astanada turǵyndary «Bolashaq qýaty - jastar» shyǵarmashylyq festıvalin tamashalaýda
ASTANA. QazAqparat - Búgin Astanada «Bolashaq qýaty - jastar» shyǵarmashylyq festıvali jáne «Táýelsizdik jetistikteri» dıalaog alańy uıymdastyryldy.
«Qazaqstan jastary kongresiniń» bastamasymen ótip jatqan bul sharalardyń maqsaty - Táýelsizdik jyldaryndaǵy elimizdiń jetistikterdi men jastar úshin jasalǵan perspektıvalardy keńinen nasıhattaý, sondaı-aq otansúıgishtik, beıbitshilik qundylyqtaryna jurtshylyqtyń nazaryn aýdarý.
Atap aıtqanda «Astana Mall» saýda oıyn-saýyq ortalyǵynda uıymdastyrylǵan bul shara aıasynda jastar arasynda shyǵarmashylyq festıvalinde elordanyń jas ártisteriniń ónerleri kópshilik nazaryna usynylmaq. Sonymen qatar onda sýretshiler men fotosýretshilerdiń týyndylaryn tamashalaýǵa múmkindik jasalyp otyr.
Munymen qosa festıval aıasynda jastardyń elimizdiń qoǵam qaıratkerlerimen tok-shoý formatynda dıalog alańy ótip, qatysýshylar jastardyń bilim, mádenıet, sport jáne ózge de salalarda qol jetkizer múmkindikteri jaıynda pikirlerimen bólisti. Spıker retinde Parlament depýtattary, Qazaqstan halqy Assambleıasynyń jáne birqatar uıymdardyń ókilderi shaqyryldy.
