Astanada turǵyndardyń sany 701 myń adamǵa jetti
ASTANA. Shildeniń 28-i. QazAqparat - Maýsymnyń 1-i kúngi derekter boıynsha Astanadaǵy turǵyndardyń sany 701 myń adamǵa jetken, dep habarlaıdy QazAqparat QR Statıstıka agenttiginiń baspasóz qyzmetine silteme jasap.
Agenttiktiń keltirgen deregi boıynsha 2010 jyly qańtar-mamyr aılary aralyǵynda elorda halqy 17 myńǵa ósken. Osylaısha qala turǵyndary 684 myń adamnan, 701 myń adamǵa artty. Al Almaty qalasynyń halyq sany osy mezgil aralyǵynda tek 12 myńǵa kóbeıgen. Qazir iri megapolıste 1 mln. 417 myń adam turady.
Eldegi eń joǵary ósim Ońtústik Qazaqstan oblysynda baıqaldy. Ondaǵy halyq 22459 adamǵa ósip, oblys turǵyndary 2451596 adamǵa jetken. Sonymen qatar, turǵyndar sany Almaty oblysynda - 11869 adamǵa (halyq sany 1704820 adam) jáne Manǵystaý oblysynda - 8248 adamǵa (halyq sany 454513 adam) ósip otyr.
Kerisinshe, turǵyndar sanynyń azaıýy Soltústik Qazaqstan, Aqmola jáne Qostanaı oblystarynda tirkelgen.
