Astanada turǵyndardyń kólik qoıý erejelerin saqtamaýy qar tazalaý jumystaryn qıyndatyp otyr - ІІD
ASTANA. QazAqparat - Qar tazalaý jumystaryn toqtaýsyz júrgizý úshin qar jınaıtyn tehnıkanyń esh kedergisiz qozǵalýyn qamtamasyz etý kerek. Osyǵan baılanysty, Astana qalasynyń ІІD Ákimshilik polıtsııa basqarmasy júrgizýshilerdi kólik qoıý erejelerin saqtaýǵa jáne kólikti joldyń júretin bóliginde qaldyrmaýǵa shaqyrady, dep habarlady astana.kz.
Qala kóshelerin qardan jedel tazalaý úshin arnaıy tehnıka táýlik boıy jumys isteıdi. Olarǵa jol-patrýldik polıtsııa kólikteri erip júredi. Ótken táýlikte qar tazalaý tehnıkasynyń 585 birligi elordadan 2 myń tekshe qar shyǵardy, dep habarlady Astana qalasynyń ІІD ÁPB.
Astana qalasynyń jol-patrýldik polıtseıleri júrgizýshilerden kólikti joldyń shetine qoımaýlaryn suraıdy. Bul qar tazalaıtyn tehnıka men qoǵamdyq kóliktiń júrýine kedergi jasaıdy. Budan basqa, aýa temperatýrasynyń kúrt ózgerýine baılanysty polıtseıler júrgizýshilerge asa saq bolýǵa jáne qar molynan jaýǵanda kóliktiń jaqyn jaryq farasyn jaǵyp júrýge keńes beredi.
