Astanada turǵyndardan qarý satyp alý aktsııasy bastalady
ASTANA. QazAqparat - Astana qalasynyń Іshki ister departamenti 2015 jylǵy 1 qańtardan bastap 2016 jylǵy 1 qańtarǵa deıin ishki ister organdarynyń qarý-jaraqty saqtaýǵa jáne alyp júrýge tıisti ruqsaty bar jeke tulǵalardan oq atatyn oqpansyz qarýlar men oq atý múmkindigine ıe travmatıkalyq gaz qarýlaryn óz erkimen tapsyrý aktsııasyn ótkizedi.
Atalǵan qarýdy óz erkimen tapsyrǵandarǵa onyń túrine qaraı ár birligine aqshalaı syıaqy berý qarastyrylǵan, dep habarlanǵan Astana ákimdiginiń resmı saıtynda. Qarýlardy qabyldaý jáne rásimdeý qalalyq, aýdandyq ishki ister organdarynda azamatardyń jazbasha ótinishteriniń negizinde júrgiziledi. Arnaıy komıssııalar syıaqy mólsherin anyqtaý barysynda qarý-jaraqtyń tehnıkalyq jaǵdaıyn úsh sanat boıynsha eskeredi: - birinshi sanatqa jatqyzylǵan qarý úshin usynylǵan baǵanyń 90% tólenedi; - ekinshi sanatqa jatqyzylǵan qarý úshin usynylǵan baǵanyń 70% tólenedi; - úshinshi sanatqa jatqyzylǵan qarý úshin usynylǵan baǵanyń 50% tólenedi. Tolyq aqparatty 716018, 716170, 716366 Almaty aýmaqtyq ІІB - 716737, 716816 , Saryarqa aýmaqtyq ІІB - 716646, Esil aýmaqtyq ІІB - 716561 telefondary boıynsha nemese Astana qalasynyń ІІD-niń ast.dvd.mvd.kz/ru resmı saıtynan alýǵa bolady.
