Astanada turǵyndardan energııa únemdegish synapty sham jınaý sharasy júrip jatyr
ASTANA. 8 qarasha. QazAqparat - Bıyl Astanada tamyz aıynan beri «2013-2016 jyldarǵa arnalǵan Astana qalasyndaǵy energııa únemdeýdiń keshendi josparyn» oryndaý aıasynda halyqtan 400 myńnan astam lıýmınestsentti energııa únemdegish synapty sham (ESSh) jınaldy.
Bul týraly astana.kz saıtyna qalalyq Ómirdi qamtý jáne ınfraqurylymdy damytý basqarmasynan habarlady.
Atalǵan joba aıasynda Esil aýdanynyń 50, Saryarqa jáne Almaty aýdandarynyń 25 konteınerlik alańynda ESSh jınaıtyn arnaıy konteınerler ornatyldy.
«ESSh arnalǵan konteınerlerdi ornalastyrý oryndary aýdandardyń ákimdikterimen jáne Memlekettik sanıtarlyq epıdemıologııalyq qadaǵalaý departamentimen kelisildi. Jyl sońyna deıin osy sııaqty qosymsha 70 syıymdylyq ornatý kózdelgen», - delingen aqparatta.
Aıta keteıik, halyqty ESSh qaýipsiz qoldaný jáne jınaý týraly aqparattandyrý maqsatynda BUU Damý baǵdarlamasymen jáne qoǵamdyq uıymdarmen birlesip úzdiksiz úgit-nasıhat jumystary júrgiziledi.
