Astanada turǵyndardan 116 travmatıkalyq qarý satyp alyndy
ASTANA. QazAqparat - Astanada 1 qańtarda turǵyndardan ot atqysh travmatıkalyq qarýlardy satyp alý aktsııasy bastaldy, dep habarlaıdy elorda ákimdiginiń resmı saıtynan.
Qazirgi ýaqytqa deıin astanalyq polıtseılerge erikti túrde travmatıkalyq qarýdy óteýli tapsyrý jóninde 106 ótinish kelip tústi, barlyǵy 116 travmatıkalyq qarý tapsyryldy. 46 oqpansyz travmatıkalyq qarý, travmatıkalyq áseri bar oqpen atý múmkindigi bar 70 gaz qarýy tapsyryldy.
2015 jyldyń 1 qańtarynan 2016 jyldyń 1 qańtaryna deıin Astana qalalyq Іshki ister departamenti qarýdy alyp júrý men saqtaýǵa ishki ister organdarynyń sáıkes ruqsaty bar fızıkalyq tulǵalardyń oqpansyz ot atqysh qarýlar men travmatıkalyq áseri bar oqpen atý múmkindigi bar gaz qarýlardy erikti túrde ótemdi tapsyrýy boıynsha jumys júrgizýde.
Astana qalalyq ІІD habarlaýynsha, oqpansyz ot atqysh qarýlar men travmatıkalyq áseri bar oqpen atý múmkindigi bar gaz qarýlardy erikti tapsyrǵany úshin memleket tarapynan qarýdyń túrine baılanysty ár birligine aqsha tóleý qarastyrylǵan.
Qarýdy qabyldaý men rásimdeý qalalyq, aýdandyq ishki ister organdarynda azamattyń jazbasha ótinishi negizinde iske asyrylady.
