Astanada turǵyndar arasynda terrorızm men dinı ekstremızmdi nasıhattaǵan úsh kúdikti ustaldy
ASTANA. QazAqparat - Astanada turǵyndar arasynda terrorızm jáne dinı ekstremızm ıdeıalaryn nasıhattaǵan úsh kúdikti ustaldy, dep habarlaıdy QR Ulttyq qaýipsizdik komıtetiniń baspasóz qyzmetinen.
«UQK Astana qalasy boıynsha departamenti 10 tamyzda QR Qylmystyq kodeksiniń 256-babymen kózdelgen qylmys nyshany boıynsha (terrorızmdi nasıhattaý nemese terrorızm aktisin jasaýǵa jarııa túrde shaqyrý) úsh qala turǵynyn ustady. Tergeý múddesinde sáıkes tolyq málimetter berilmeıdi», delingen habarlamada.
Sotqa deıingi is júrgizilýde.
«Oǵan ustalǵan tulǵalardyń Qazaqstan azamattaryn halyqaralyq terrorıstik uıymdar jaǵynda soǵysqa qatystyrý maqsatynda shetelge shyǵarý, sondaı-aq jasyryn jıyndarda terrorızm jáne dinı ekstremızm ıdeıalaryn nasıhattaǵandyǵy týraly málimetter negiz bolyp tabyldy» dep atap ótilgen habarlamada.
12 tamyzda Astana qalasy Saryarqa aýdandyq soty ustalǵandardy 2 aıǵa qamaýǵa alý sanktsııasyn berdi. Jedel-tergeý is-sharalary jalǵasýda.
