Astanada turǵyn úılerdiń kireberisinen 7 mln teńgeniń radıomodýlin urlaǵandar ustaldy
ASTANA. QazAqparat - Elorda polıtseıleri ystyq jáne sýyq sý esepteýishteriniń 174 dana radıomodýlin urlaǵan qaskóılerdi ustady, dep habarlaıdy qalalyq ІІD baspasóz qyzmeti.
Polıtsııaǵa úıdiń kireberisterindegi ystyq jáne sýyq sý esepteýishteriniń radıomodýlderi urlanǵanyn aıtyp Máńgilik el kóshesi boıyndaǵy úıdiń 60-qa jýyq turǵyny aryzdanǵan.
«Keshendi jedel-izdestirý is-sharalaryn ótkizý barysynda krımınaldyq polıtsııa qyzmetkerleri «Volkswagen Polo» markaly avtomashınany anyqtady. Ustalǵan avtomashınanyń júk salǵyshyn qarap tekserý kezinde ystyq jáne sýyq sý esepteýishteriniń urlanǵan 174 dana radıomodýli tabyldy. Bir radıomodýldiń baǵasy 40 myńnan 50 myń teńgeni quraıdy» delingen habarlamada.
Baspasóz habarlamasyndaǵy málimetke súıensek, atalǵan fakti boıynsha Ońtústik Qazaqstan jáne Qyzylorda oblystarynyń turǵyndary - 26 jastaǵy úsh kúdikti ustaldy, tergeý áreketin júrgizý úshin olar «Esil» aýdany ІІB-ge jetkizildi. Qazirgi ýaqytta QR QK 188-baby boıynsha sotqa deıingi tergep-tekserý bastaldy. Olardyń osy sekildi qala aýmaǵynda buryn jasalǵan basqa da qylmystarǵa qatysy bar-joǵy tekserilýde.
