Astanada turǵyn úılerdiń 97 %-y jylý berý maýsymyna daıyn
ASTANA. QazAqparat - Astanada ortalyq jylý berý júıesine qosylǵan 2 115 kóppáterli turǵyn úıdiń 97%, ıaǵnı 2 047-inde jylý berý maýsymyna daıyndyq jumystary tolyq júrgizildi.
Bul týraly Astana qalasy ákimi apparatynyń baspasóz qyzmetine Turǵyn úı ınspektsııasynan habarlady.
Jylý berý maýsymyna daıyndyq jumystarynyń qala aýdandary boıynsha oryndalýy kelesideı: Almaty aýdany boıynsha 1030 úıdiń 1011-i, ıaǵnı 98%; Esil aýdany boıynsha 157 úıdiń 134-i, ıaǵnı 85%; Saryarqa aýdany boıynsha 928 úıdiń 902-si, ıaǵnı 97% jylý berý maýsymyna daıyn.
PIK jáne qyzmet kórsetýshi uıymdar úıaralyq ınjenerlik jelilerdegi aqaýlardy joıý, atap aıtqanda sý qubyrlarynyń tesikterin biteý, ortalyq jylý berý júıesin retteý, qalypqa keltirý, tazalaý, shatyrlardy jóndeý, jertólelerdi keptirý jáne t.b. jumystar júrgizýde.
Esterińizge sala keteıik, osy jyldyń mamyr aıynda Astana qalasy ákiminiń ókimimen qalanyń energokeshen, bilim berý, densaýlyq saqtaý, turǵyn úı-kommýnaldyq qyzmet nysandaryn 2014-2015 j.j. jylý berý maýsymyna daıyndaý boıynsha qalalyq shtab qurylyp, Іs-sharalar jospary bekitilgen bolatyn.
Turǵyn úılerdi jylý berý maýsymyna daıyndaý jumystary atalǵan Іs-sharalar josparyna sáıkes júrgizilip keledi. Bul baǵyttaǵy jumystardyń oryndalýy apta saıyn Shtab otyrystarynda qaralýda.
