Astanada turǵyn úıge jarylǵysh zat qoıyldy degen habardan keıin adamdar evakýatsııalanýda
ASTANA. QazAqparat - Elordada jarylǵysh zat qoıylǵany týraly habar túsýine baılanysty kóp qabatty úıdiń turǵyndary evakýatsııalanýda. Qazirgi tańda quziretti organdar habarlamanyń avtoryn anyqtaý jumystaryn júrgizip jatyr, dep habarlaıdy elorda ákimdiginiń resmı saıty.
«Polıtsııa qyzmetine Jırentaev kóshesi, 14 mekenjaıy boıynsha ornalasqan úıge jarylǵysh zattyń qoıylǵany týraly habarlama kelip túskennen keıin, oqıǵaǵa ornyna jetken arnaıy qyzmetter úıdiń turǵyndary men nysannyń mańyndaǵy úılerdiń turǵyndaryn qaýipsiz jerge kóshirýde. Qazirgi tańda arnaıy qyzmetter men kınologtar jumys istep jatyr», - dep málimdedi qalalyq iKomek monıtorıng jáne jedel áreket etý ortalyǵynda.
Órt sóndirý jáne jedel járdem qyzmetteriniń kólikteri de oqıǵa ornynda.
«Qazirgi kezde quziretti organdar habarlamanyń avtoryn anyqtap jatyr», - delingen habarlamada.
