Astanada turǵyn úıdiń jertólesinen órt shyqty, jalynmen 30-dan astam adam kúresti
ASTANA. 30 sáýir. QazAqparat - Jeksenbi kúni keshqurym Astananyń Saryarqa aýdanyndaǵy bes qabatty turǵyn úıdiń jertólesinde órt boldy, dep habarlady QR TJM-nan.
Órt bir saǵattan keıin aýyzdyqtaldy. Ony sóndirýge QR TJM Astana qalasy boıynsha TJD órtke qarsy qyzmetiniń 25 adamy men 9 tehnıkasy, QR TJM «Ortalyq aımaqtyq aeromobıldi jedel-qutqarý jasaǵy» MM-niń 3 adamy men 1 tehnıkasy, QR TJM «Apattar medıtsınasynyń ortalyǵy» MM-niń 6 adamy men 2 tehnıkasy jumyldyryldy.
Órt aýmaǵy 6 sharshy metrdi qurady. Turǵyndardyń zattary órtke orandy. 55 adam qaýipsiz aýmaqqa kóshirildi, onyń ishinde úsh bala bar. Qurbandar men zardap shekkender joq.
