Astanada turǵyn úıdiń balkonynan 20 jastaǵy boıjetken qulap ketti
ASTANA. QazAqparat - Astanadaǵy kópqabatty turǵyn úıdiń balkonynan 20 jastaǵy boıjetken qulap ketti, dep habarlaıdy «QazAqparat» HAA tilshisi.
Astana qalalyq ІІD baspasóz hatshysy Sofıa Qylyshbekovanyń aıtýynsha, búgin saǵat 12.40-ta Qabanbaı batyr dańǵylynda ornalasqan kópqabatty turǵyn úıdiń 7-qabatynda kireberistegi balkonnan 20 jastaǵy boıjetken qulap ketken.
«Qulaǵan qyz oqıǵa ornynda mert boldy. Atalǵan fakti boıynsha sotqa deıingi tergeý jumystary bastaldy. Boıjetkenniń osy úıde týystarymen turyp jatqany belgili boldy», - dep habarlady ІІD baspasóz hatshysy.
Oqıǵanyń mán-jaıy anyqtalyp jatyr.
