Astanada turǵyn úıde oryn alǵan órt saldarynan eki adam ajal qushty
ASTANA. QazAqparat - Astanada turǵyn úıde órt shyǵyp, eki adam qaza tapty, dep habarlady elordalyq TJD baspasóz qyzmetinen.
«20 qyrkúıekte saǵat 20.02-de Tarhan 19/2-shi úıde órt shyqqany týraly habarlama tústi. Oqıǵa ornyna jetken órt sóndirý bólimshesi 5 mınýtta eki qabatty úıdiń shatyry men kireberisi otqa oranǵanyn anyqtady. Qyzyl jalyndy aýyzdyqtaý barysynda 2 adamnyń múrdesi tabyldy. Órttiń shyǵý sebebi men qurbandardyń kim ekeni anyqtalýda», - delingen habarlamada.
Órt aýyzdyqtaldy. Jalpy alańy - 120 shashy metr, 9 birlik tehnıka men jeke quramnan 45 adam jumyldyryldy.
Foto:today.kz
