Astanada turǵyn úıde bolǵan órtte tórt bala zardap shekti, 3 jasar sábı mert boldy
ASTANA. Qazannyń 2-si. QazAqparat - Astanada turǵyn úıde bolǵan órtte bútin bir otbasynyń tórt balasy zardap shekti, 3 jasar sábı oqıǵa ornynda mert boldy.
Qazaqstannyń Tótenshe jaǵdaılar mınıstrliginen habarlaǵandaı, qazannyń 1-i kúni túski saǵat 12 shamasynda Almaty aýdany, Jeleznodorojnyı kentindegi J.Jabaev kóshesinde ornalasqan jekemenshik turǵyn úıde órt boldy. Jalynnyń sharpyǵan aýmaǵy 30 sharshy metrdi qurady.
Tilsiz jaý Astana qalasynyń TJD órtke qarsy qyzmetiniń 16 adamy men 2 tehnıkanyń kúshimen úsh saǵattan keıin aýyzdyqtaldy.
Órt saldarynan úsh jasar sábı oqıǵa ornynda qaza tapsa, 2004, 2005 jáne 2008 jyldary dúnıege kelgen balalar aýrýhanaǵa jetkizildi.
