Astanada turǵyn úı salýǵa arnalǵan jer ýchaskesine degen suranys bas jospardan 7 ese artyq
«Biz jeke úı salý úshin beriletin jer ýchaskeleri tóńireginde týyndaǵan dúrbeleńge baılanysty jıylyp otyrmyz. 16 mamyrdan búgingi kúnge deıin 1237 ótinish qabyldadyq, keshe 773 ótinish qabyldandy», - dedi Astana qalasynyń jerin paıdalaný jáne qorǵaýdy baqylaý jáne jer qatynastary basqarmasynyń basshysy Tóleýǵazy Nurkenov.
Onyń sózine qaraǵanda, búgin Astanada 103 myńnan astam adam kezekte tur. Ótinishter 2006 jyldan qabyldana bastaǵan. Jer 2007 jyly ǵana bólingen. Ol kezde 1000-nan astam ýchaske jeńildikke ıe azamattarǵa berilgen. Al qalanyń naqty múmkindigi 2030 jylǵa deıin shamamen 15 myń jer ýchaskesin qurap otyr.
«Astana qalasy 2001 bekitilgen bas josparǵa sáıkes damyp jatyr. 2011 jyly oǵan túzetýler engizilgen. Bas josparǵa sáıkes Astanada 45 myń jeke úı bolýy tıis, búginde onyń 30 myńnan astamy bar. ıAǵnı 2030 jylǵa deıin biz 15 myń ýchaske ǵana bóle alamyz: qazir 2016 jyl, sóıtip 14 jylda 15 myń ýchaske ǵana bóle alamyz», - dedi ol.
Tóleýǵazy Nurkenov zańnyń buzylmaýy maqsatynda ótinishterdi qabyldaý jumystary aldaǵy ýaqytta da qabyldanatynyn atap ótti. Sondaı-aq ol búginde Astanada ınjenerlik jelilermen qamtylǵan daıyn alańdar joq ekenin aıtty.
«Sondyqtan biz eshkimge ýchaskelerdi bere almaımyz, - dep atap ótti T.Nurkenov. Taǵy da qaıtalap aıtamyn, 2030 jylǵa deıin barlyǵy 15 myń jer ýchaskesi beriledi. Al qaı jyly qansha jerden beriletinin men sizge qazir naqty aıta almaımyn».
Ulttyq ekonomıka mınıstrliginiń aqparatyna sáıkes, bıylǵy jyly Qazaqstannyń birqatar óńirlerinde jeke turǵyn úı qurylysy úshin jer telimderin berý josparlanǵan. Ondaı aımaqtar qatarynda Almaty oblysy, Aqtóbe, Batys Qazaqstan, Qyzylorda, Ońtústik Qazaqstan, Jambyl jáne Shyǵys Qazaqstan oblystary bar. Al Almaty, Astana qalalarynda, sondaı-aq Mańǵystaý, Qaraǵandy, Soltústik Qazaqstan, Aqmola, Atyraý oblystarynda jeke turǵyn úı qurylysy úshin jer telimderin berý bıylǵy jyldyń josparynda qarastyrylmaǵan.
Esterińizge sala keteıik, Jeke turǵyn úı qurylysy úshin jer telimderin berý týraly erejege sáıkes, Qazaqstan azamattary men oralmandarǵa 0,10 gektar jer ýchaskesi tegin beriledi. Ótinish bildirýshiniń ıeliginde buǵan deıin jyljymaıtyn múliktiń (páter, úı, garaj, jer telimi) bolýy nemese bolmaýy jer alýǵa eshqandaı kedergi bola almaıdy. Bul jerde atap ótý kerek, turǵyn úıdi paıdalanýǵa berý týraly aktige qol qoıylǵannan keıin ǵana siz jer ýchaskesiniń menshik ıesi atana alasyz.
