Astanada turǵyn úı qurylysynyń kólemi qysqartyldy

ASTANA. QazAqparat – Astanada turǵyn úıdi paıdalanýǵa berýdiń bes jyldyq jospary úsh jylda oryndaldy. Bul týraly elorda ákimi Altaı Kólginov qalalyq máslıhattyń kezekten tys otyrysynda baıandady, dep habarlaıdy QazAqparat tilshisi.

«Biz jyl saıyn 3 mln sharshy metrden astam turǵyn úı salyp keldik. Biraq, bıyl onyń kólemin qysqarttyq. Úsh jylda 8,5 mıllıon sharshy metr salynǵan, bul – bes jyldyq jospar boldy. Onyń bárin jylýmen, sýmen, elektrmen qamtamasyz etýimiz kerek. Sondyqtan, biz Úkimetpen kelisip, bıyl turǵyn úı qurylysynyń kólemin 2 mln sharshy metrge deıin azaıttyq», - dedi A. Kólginov.

Ákim elordalyq qurylys uıymdary bıyl 4 mln sharshy metr baspana salatynyn, biraq aldymen salynǵan úılerdi ınjenerlik ınfraqurylymmen qamtamasyz etý qajettigin atap ótti.

Sondaı-aq, A. Kólginov 2021 jyly Astanany damytýdyń bas josparynda 2030 jyly elorda halqynyń sany 850 myń adam bolady dep josparlanǵanyn aıtty. 2010 jyly bul kórsetkish túzetilip, 1,2 mıllıon adam dep boljanǵan. Bul kórsetkish eki jyl buryn oryndaldy. Bıyl bas josparǵa taǵy jańa túzetýler engizilip, qujat kúzde talqylaýǵa shyǵarylady.