Astanada turǵyn-úı qurylysyna salynǵan ınvestıtsııa kólemi 92 mlrd. teńgeden artty
ASTANA. QazAqparat - Astana qalasy Statıstıka departamentiniń habarlaýynsha, jyl basynan beri turǵyn úı qurylysyna baǵyttalǵan ınvestıtsııalar kólemi 92 mlrd. 765,4 mln. teńgeni qurady, bul 2014 jyldyń kezeńimen salystyrǵanda 97,7% quraıdy. Negizgi kapıtalǵa salynǵan ınvestıtsııalardyń jalpy kóleminde turǵyn úı qurylysynda ıgerilgen qarajattar úlesi 18,3%-ǵa jetti, dep habarlady astana.gov.kz.
Barlyq qarjylandyrý kózderiniń esebinen jalpy aýdany 1274751 sharshy metr 11 576 páter paıdalanýǵa berildi, bul 2014 jyldyń sáıkes kezeńmen salystyrǵanda 61,6%-ǵa joǵary. Jeke salýshylarmen jalpy aýdany 32 911 sharshy metr turǵyn úıler salynǵan, bul 2014 jyldyń sáıkes kezeńmen salystyrǵanda 65%-dy quraıdy.
Jalpy iske qosylǵan turǵyn úılerdegi jeke turǵyn úı qurylysynyń úlesi jyl basynan beri 2,6% boldy. Elordada turǵyn úılerdiń jalpy aýdanynyń 1 sharshy metrin salýdyń ortasha naqty quny 116,6 myń teńge, onyń ishinde jeke salýshylarmen salynǵany 82,2 myń teńge.
