Astanada turǵyn úı qurylystary úshin 823 jer telimi bólingen
ASTANA. QazAqparat - Aldaǵy 5 jyl kóleminde elorda turǵyn úılerdi paıdalanýǵa berý boıynsha kóshbasshy pozıtsııasynda qalady. Bul týraly búgin qoǵamdyq tyńdaýlar barysynda Astana qalalyq Sáýlet jáne qala qurylysy basqarmasynyń basshysy Vıtalıı Sıletskıı málimdedi, dep habarlady astana.gov.kz.
«2015 jyldyń 20 maýsymyndaǵy jaǵdaıǵa sáıkes Astana qalasynda turǵyn úı qurylysy úshin 823 jer telimi bólingen. Bólingen jer telimderiniń jalpy sanynan 121 jer telimi bıýdjettik nysandardy salýǵa berilse, 702 nysan kommertsııalyq merdigerlermen ıgeriledi. Sonymen qatar, 482 nysan jobalaý kezeńinde tur», - dedi V. Sıletskıı.
Onyń aıtýynsha, elordanyń turǵyn úı qory búgingi tańda 17,1 mıllıon sh.m. quraıdy. 1998 jyldan beri jalpy aýdany 13 mıllıon sh.m.-ge jýyq bolatyn turǵyn úı paıdalanýǵa berilgen. Bas josparǵa saı 2030 jylǵa qaraı bas qalanyń turǵyn úı qory 37,2 mıllıon sh.m. quraýy tıis.
V. Sıletskıı málimdegendeı, aldaǵy ýaqytta Astana qalasynda Sáýlet jáne qala qurylysy basqarmasynyń jańa ǵımaraty salynbaq. Oǵan 500 qyzmetker jumys isteıtin basqarmadaǵy oryn jetispeýshilik basty sebep. Jańa ǵımarattyń jalpy kólemi 8 myń sh.m. quraıdy.
