Astanada Turǵyn úı qurylys jınaq banki arqyly baspana satyp alýǵa qujattardy qabyldaý júrip jatyr

ASTANA. QazAqparat - Maýsymnyń 1-5 aralyǵynda turǵyn úıdi Qazaqstannyń turǵyn úı qurylys jınaq banki arqyly satyp alýǵa qujattardy qabyldaý jarııalanady, dep habarlady qalalyq ákimdiktiń baspasóz qyzmetinen.

Qazaqstan Respýblıkasy Úkimetiniń 2014 jylǵy 28 maýsymdaǵy № 728 qaýlysymen bekitilgen Óńirlerdi damytýdyń 2020 jylǵa deıingi baǵdarlamasyn (budan ári - Baǵdarlama) iske asyrý aıasynda Astana qalasynyń ákimdigi (budan ári - ákimdik) men «Qazaqstannyń Turǵyn úı qurylys jınaq banki» aktsıonerlik qoǵamy (budan ári - «QTQJB» AQ) arasynda «Sarybulaq arnasy boıyndaǵy Tilendıev dańǵylynyń oń jaǵyna qaraı ornalasqan turǵyn úı keshenderi (Lot B-8V)» kóp páterli turǵyn úı keshenindegi 134 páterdi satý boıynsha yntymaqtastyq týraly kelisimge qol qoıyldy. Turǵyn úıdiń bir sharshy metriniń quny - 120 myń teńge.

Satý úshin 134 páter qarastyrylyp otyr, onyń ishinde:

54 - bir bólmeli páter, aýdany 32,21 sh.m.-den 35,9 sh.m.-ge deıin;

54 - eki bólmeli páter, aýdany 49,75 sh.m.-den 50,65 sh.m.-ge deıin;

26 - úsh bólmeli páter, aýdany 65,98 sh.m.-den 68,92 sh.m.-ge deıin.

Turǵyn úı turǵyn úı nesıesi, turǵyn úı qurylys jınaq nemese óz qarajaty esebinen tikeleı satyp alý jolymen jeke menshikke beriledi. Tólem qabilettiligi dáleldenbegen jaǵdaıda turǵyn úı keıinnen satyp alý quqyǵymen kem degende 8 jyl merzimge jalǵa beriledi.

Bul baǵyt boıynsha qatysý úshin qujattardy qabyldaý 2015 jylǵy 1-5 maýsymda (qosa alǵanda) júrgiziledi.

Baǵdarlama talaptaryna sáıkes qujattardy qabyldaý tek e.astana.kz veb-portaly (budan ári - portal) arqyly ǵana ótinish berýshiniń elektrondyq sandyq qoltańbasyn (budan ári - ESQ) paıdalanýmen iske asyrylatyn bolady.

Tolyǵyraq myna silteme boıynsha aqparat alýǵa bolady.