Astanada turǵyn úı-kommýnaldyq sharýashylyǵyn jańǵyrtýdyń ǵylymı negizi talqylandy
ASTANA. 8 jeltoqsan. QazAqparat /Jasulan Amanbaıuly/ - Búgin Astanada S. Seıfýllın atyndaǵy Qazaq agrotehnıkalyq ýnıversıtetinde «Turǵyn úı-kommýnaldyq sharýashylyǵyn jańǵyrtýdy ǵylymı qamtamasyz etý» atty birinshi ǵylymı-praktıkalyq konferentsııa ótti.
Respýblıka Táýelsizdiginiń 20 jyldyǵyna arnalǵan sharany «Turǵyn úı kommýnaldyq sharýashylyǵyn jańǵyrtý jáne damytýdyń qazaqstandyq ortalyǵy» (TQSh «Qazortalyǵy») uıymdastyrdy. Basty maqsat - taldamaly jáne ǵylymı zertteýlerdiń júrgizý, ınnovatsııalyq tehnologııalardy TQSh salasyna engizý.
TQSh «Qazortalyǵy» 2011-2020 jyldarǵa arnalǵan turǵyn úı-kommýnaldyq sharýashylyǵyn jańǵyrtý jónindegi baǵdarlamasy aıasynda Qazaqstanda birqatar jańa engizýde. Sondyqtan osy salada ǵylymı áleýettiń belsendi aralastyrý, Qazaqstannyń jetekshi ǵalymdarymen talyqalaý júrgizý basymdyqty is.
Osy konferentsııa sheńberinde S.Seıfýllın atyndaǵy Qazaq avtotehnıkalyq ýnıversıtetiniń bazasynda energoqýatty únemdeý jáne «Astana» bilimderin taratý ortalyǵy ashyldy. Ortalyq negizinde Qazaqstanda turǵyn úı kommýnaldyq sharýashylyǵyn jańǵyrtý salalyq baǵdarlamasyn energo jáne resýrsúnemdeý tehnologııalary arqyly qol jetkizý, mamandardyń biliktiligi men áleýetin damytý, sonymen qatar «bilim-ǵylym-óndiris» ıntegratsııasyn kúsheıtý aýqymdy jumystar atqarylatyn bolady.
Konferentsııanyń sońy Astana qalasyndaǵy TQSh nysandaryn aralaýmen ulasty.
