Astanada Turǵyn úı ınspektsııasy quryldy

dep habarlady qala ákimdiginiń baspasóz qyzmetinen.

 Dúısenbi, 2 sáýir kúni Astana qalasynyń ákimi Imanǵalı Tasmaǵambetovtiń qatysýymen ótken jınalysta ákimdiktiń jańadan qurylǵan bólimshesiniń bastyǵy Talǵat Rysbekov uıymdastyrý jumystary men basqarma aldyna qoıylǵan mindetter jóninde baıandady. «Astana qalasy ákimdiginiń 2011 jylǵy 11 qarashadaǵy qaýlysymen elordadaǵy turǵyn úı qory salasynda memlekettik baqylaýdy júzege asyratyn atqarýshy organ retinde «Astana qalasynyń Turǵyn úı ınspektsııasy basqarmasy» MM quryldy», - dedi ol.

Turǵyn úı ınspektsııasy basqarmasy mindetterine kondomınıým nysanynyń ortaq menshigine tehnıkalyq tekserýdi uıymdastyrý, kondomınıým nysanynyń ortaq menshigine kúrdeli jóndeýdiń keıbir túrlerin ótkizýdiń tizimin, kezegin anyqtaý, kondomınıým nysanyn basqarýshy organ usynǵan turǵyn úı boıynsha járdem kórsetý arqyly qarjylandyrylatyn kondomınıým nysanynyń ortaq menshigine kúrdeli jóndeýdiń keıbir túrlerin ótkizýge shyǵyndar smetasyn kelisý, kondomınıým nysanynyń ortaq menshigine kúrdeli jóndeýdiń keıbir túrleri boıynsha jasalǵan jumystardy qabyldaıtyn komıssııaǵa qatysý jatady.

Turǵyn úı ınspektsııasy ózine artylǵan mindetterge sáıkes kóppáterli úı men aýla aýmaqtaryndaǵy páter ıeleriniń ortaq menshigin paıdalaný tártibin saqtaý, olarǵa jóndeý júrgizýge, turǵyn úı qory men kóppáterli úı men aýla aýmaqtaryndaǵy páter ıeleriniń ortaq menshigin maýsymdyq paıdalanýǵa qatysty sharalar júrgizýge, turǵyn úılerdegi energııa jáne sý resýrstaryn retteý, baqylaý, esepteý qurylǵylarynyń bolýyn qadaǵalaýǵa  memlekettik baqylaý jasaıdy.

Sondaı-aq Turǵyn úı ınspektsııasy basqarmasy «Gaz jáne gazben jabdyqtaý týraly» QR Zańynyń 7 baby 5 tarmaǵyna sáıkes turmystyq jáne kommýnaldyq-turmystyq tutynýshylardyń gaz tutyný júıeleri men gaz jabdyǵyn qaýipsiz paıdalaný talaptarynyń saqtalýyna baqylaýdy júzege asyrady, Qazaqstan Respýblıkasyn gazdandyrýdyń bas syzbasyn iske asyrýǵa qatysady.