Astanada turǵyn úı aýlalaryndaǵy vıdeo kameralar tekseriledi
ASTANA. QazAqparat - Astanada polıtsııa qyzmetkerleri turǵyn úı aýlalaryndaǵy vıdeo kameralardyń jumys isteýin teksermek. Bul jaıynda búgin Astana qalasy Saryarqa aýdandyq ishki ister basqarmasynyń jergilikti poltsııa bastyǵy Azamat Sadyqov málim etti, dep habarlaıdy QazAqparat.
«Qazirgi ýaqytta biz turǵyn úı turǵyndarymen jınalys ótkizetin bolamyz. Eger aýlalarda ornatylǵan beınebaqylaý kameralarynyń buzylǵandyǵy anyqtalatyn bolsa, ony júzege asyrýy tıisti kompanııalarmen jumys isteımiz. Al turǵyndardyń tólep qoıǵan aqshalary óteletin bolady», - dedi jergilikti polıtsııa bastyǵy.
Azamat Sadyqovtyń aıtýynsha, polıtsııa qyzmetkerleri dúkenderdiń, kóńil kóterý jáne basqa da oryndardyń qojıyndarymen beınebaqylaý kameralaryn ornatý úshin arnaıy jumystar júrgizetin bolady. Mundaı qylmystyń aldyn alýǵa baǵyttalǵan sharalar aıasynda atalǵan nysandarǵa temir tor ornatý da kózdelip otyr.
Aıta keterligi, búgingi kúni elordada Jedel basqarý ortalyǵyna qosylǵan 700-den astam beınebaqylaý kamerasy jumys istep tur.
