Astanada turǵyndardy tirkeý: bir adamǵa neshe sharshy metrden esepteletini bekitildi

ASTANA. KAZINFORM — Astana qalalyq máslıhaty turǵylyqty jáne ýaqytsha turý orny boıynsha jańa tirkeý normasyn bekitti. Endi árbir 15 sharshy metr paıdaly turǵyn alańyna bir adamnan artyq tirkelýge ruqsat etilmeıdi , dep habarlaıdy Kazinform. 

Qujatty depýtattarǵa Astana qalasynyń Jumyspen qamtý jáne áleýmettik qorǵaý basqarmasynyń basshysy Erlan Júsipov tanystyrdy. Onyń aıtýynsha, 2026 jyldyń tamyzynan bastap tirkeý normatıvin belgileý ókilettigi máslıhatqa beriledi.

— Normatıvtiń basty maqsaty — turǵyndardy tirkeý tártibin júıeleý jáne qala ınfraqurylymyna túsetin áleýmettik júktemeni azaıtý. Endi bir adamǵa 15 sharshy metr turǵyn alańy esepteledi. Bul shekteý birge turatyn erli-zaıyptylarǵa, balalarǵa jáne jaqyn týystarǵa qoldanylmaıdy, — dedi Erlan Júsipov.

Máslıhatta atap ótilgendeı, jańa norma bir páterde ondaǵan, tipti júzdegen adamnyń tirkelýine jol bermeýge múmkindik beredi.

Esterińizge sala keteıik, buryn ekinshi naryqtaǵy páterlerdi satyp alýdaǵy mańyzdy keńesterdi jazǵan edik.