Astanada turǵyndardy páterge tirkeýge qoıýdyń jańa tártibi qashan qabyldanady

ASTANA. KAZINFORM — Astana qalasy máslıhatynyń tóraǵasy Tabıǵat Zeınulqabden turaqty jáne ýaqytsha turǵylyqty jeri boıynsha tirkeý normatıvin belgileý máselesine qatysty pikir bildirdi.

— Qazir bul máseleni depýtattyq korpýsta da (Parlamentte), basqa da memlekettik organdarda talqylanyp jatyr. Ózderińiz bilesizder, Astanada resmı túrde 1 mln 550 myńǵa jýyq adam tursa, is júzinde 1 mln 800 myń — 1 mln 900 myńǵa jýyqtaıdy. Adamdardyń birazy áli tirkelmegen. Jaqyn arada bul máselege qatysty tıisti retteý tetigi engiziledi dep oılaımyn. Shamamen, birinshi jartyjyldyqta sheshim bolady, — dedi T. Zeınulqabden Parlament Májilisiniń jalpy otyrysynan keıin tilshiler suraǵyna jaýap bere otyryp.

Eske salsaq, jaqynda Májiliste zańnamaǵa astanany jáne respýblıkalyq mańyzy bar qalalardy damytý baǵytyndaǵy ózgerister engizýge arnalǵan zań jobasy birinshi oqylymda talqylandy.

Onda Astanada bir páterge tirkeletin turǵynnyń sany baspananyń sharshy metrine qaraı belgilenetini aıtylǵan. 

Aıta ketelik aqshaǵa úıine tirkeýge qoıatyndar jaýapkershilikke tartylatyny týraly jazǵan edik.