Astanada týrfırma dırektory klıentin 1 mln teńgege aldap ketti
ASTANA. QazAqparat - «Qazaqstan týrızm groýp» JShS týrıstik fırmasynyń dırektory fırmanyń klıentin 1 mıllıonnan astam teńgege aldap ketti, dep habarlaıdy Astana ІІD baspasóz qyzmeti.
«Esil aýdandyq ІІB tergeý basqarmasy «Qazaqstan týrızm groýp» JShS týrıstik fırmasynyń bas dırektoryna qatysty qylmystyq isti tergep jatyr. Ol shet elge saıahatqa shyǵýdy usynyp, aldap-arbaý jolymen 57 jastaǵy Astana turǵynynyń bir mıllıon teńgeden astam aqshasyn alǵan», - delingen habarlamada.
Qazirgi kezde QR QK 190-babyna sáıkes sotqa deıingi tergeý amaldary júrgizilip jatyr. Qalalyq ІІD atalǵan týrıstik fırmanyń alaıaqtyq áreketinen jábirlengen azamattar bolsa tómendegi telefon nómirlerine habarlasýyn suraıdy:
8 (7172) 71-65-43, 71-65-58, 79-88-05,
U.t.: 8 (778) 666-02-03.
