Astanada turatyn Olımpıada júldegerleri ýáde etilgen páterlerin áli kútip júr
ASTANA. QazAqparat - Rıo Olımpıadasynyń bokstan altyn jáne kúmis medal ıegerleri Danııar Eleýsinov pen Vasılıı Levıt, sondaı-aq qyzdar arasyndaǵy erkin kúresten «kúmis» júldeger Gıýzel Manıýrova ákimdik ýáde etken páterleri týraly aıtyp berdi.
Danııar Eleýsinovtyń oıynsha, memleket ýáde etken is aıaǵyna deıin jetedi. Sondyqtan, ol qala ákimdigine alǵys aıtty. Qazir Eleýsinovtiń otbasy qaı aýdanda tursaq eken dep, tańdap júr eken.
Al, Gıýzel Manıýrova 2016 jyldyń aıaǵyna deıin jańa úıge qonystanarmyn degen úmitin jetkizdi.
«Úı máselesi sheshilip jatyr, sondyqtan, Jańa jylǵa qaraı qonys toıyn atap ótetin shyǵarmyz. Biz Geıdar Álıev kóshesindegi boks ortalyǵynda, boksshylarmen birge jattyǵamyz. Al bul Mılan kvartalyna, Aqbulaq shaǵyn aýdanyna jaqyn jer. Ákim bizge jattyǵýǵa jaqyn, turýǵa yńǵaıly aýdannan úı beremin dep ýáde etken»,-dedi ol.
Al, Vasılıı Levıttiń aıtýynsha, bul suraqty ákimdiktiń ózine qoısa, durys bolady.
«Bul suraqqa ne dep jaýap beretinimdi bilmeımin. Úı máselesin ákimdikten surasa, jón bolar»,-deıdi ol.
Esterińizge sala keteıik, 24 tamyz kúni Olımpıada júldegerlerin Astana áýejaıynda qarsy alǵan Áset Isekeshev osy úsh azamatqa Toyota Land Cruiser Prado kólikteriniń kiltin syılap, páter berýge dep ýáde etken edi.
