Astanada Turan dańǵyly jóndeýge jabylady
Málim etilgendeı, respýblıkalyq Bas meshit aýdanyndaǵy turǵyn úılerdi ortalyq jylýmen qamtamasyz etý maqsatynda qalanyń Otyn-energetıkalyq kesheni jáne kommýnaldyq sharýashylyq basqarmasy NS-14-ten TM-47-ge deıin magıstraldyq jylý trassasyn salyp jatyr.
«Qurylys-montajdaý jumysyna baılanysty 2-20 tamyz aralyǵynda Turan dańǵylynyń negizgi qozǵalys beldeýleri boıynsha Hýseın Ben Talal kóshesinen áýejaıǵa qaraı negizgi jolaqtarmen eki jaqqa qozǵalys jabylady.
Kólik qozǵalysy qosalqy joldar boıynsha júzege asyrylatyn bolady.
Sonymen qatar 6-jylý magıstralin salý úshin 26 shildeden 26 tamyzǵa deıin Máńgilik el dańǵylynan Hýseın Ben Talal kóshesi boıyndaǵy qosalqy jolmen qozǵalys tolyǵymen jabylady.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet», - delingen ákimdik habarlamasynda.