Astanada Turan dańǵyly men Qabanbaı batyr kóshesindegi Bus lane iske qosyldy
NUR-SULTAN. QazAqparat – Búgin saǵat 15:00-den bastap astananyń Turan dańǵyly men Qabanbaı batyr kóshesi boıyndaǵy avtobýs jolaǵy qaıta iske qosyldy, dep habarlaıdy QazAqparat Nur-Sultan ákimdiginiń resmı saıtyna silteme jasap.
Tsıfrlandyrý jáne memlekettik qyzmetter qalalyq basqarmasynyń málimetine sáıkes, búgin M-1 kópirindegi jol jóndeý jumystary aıaqtaldy. Soǵan baılanysty Turan dańǵyly men Qabanbaı batyr kóshesi boıyndaǵy arnaıy jolaqpen qoǵamdyq kólik qozǵalysy qaıta jandanady.
Eske salaıyq, jóndeý jumysyna baılanysty Baýyrjan Momyshuly dańǵylynan bastap Máńgilik el dańǵyly men Saraıshyq kóshesiniń qıylysyndaǵy kólik aıyrymyna deıingi aralyqta kólik qozǵalysy ishinara jabylǵan bolatyn. Qala turǵyndary men qonaqtaryna yńǵaıly bolý úshin osy ýaqytta Turan dańǵyly men Qabanbaı batyr kóshesindegi Bus lane-men jeke kólik qozǵalysyna ruqsat etilgen bolatyn.
Foto : gov.kz
