Astanada Turan dańǵyly ishinara jóndeýge jabylady
ASTANA. QazAqparat – Astanada jol jóndeýge baılanysty Turan dańǵyly ishinara jabylady, dep habarlaıdy QazAqparat «109» qyzmetine silteme jasap.
Turan dańǵylynda Saraıshyq kóshesinen bastap «Tulpar» kópirine deıingi ýchaskesinde ortasha jol jóndeý jumystary júrip jatyr. Olar kezeń-kezeńimen atqarylmaq. Osyǵan baılanysty 6-8 shilde aralyǵynda Turan dańǵylynan Saraıshyq kóshesinen bastap Qorǵaljyn tasjolyna deıingi ýchaskesinde qozǵalys tolyǵymen jabylatyn bolady.
Sonymen qatar 8-10 shilde aralyǵynda Qorǵaljyn tasjolynan «Tulpar» kópirine deıingi ýchaskede qozǵalysqa tolyǵymen tyıym salynady.
Elorda turǵyndary men qonaqtary jolda keptelis týdyrmaý úshin óz marshrýttaryn aldyn ala josparlaýy qajet.
