Astanada Turan dańǵylynyń bir bóligi ýaqytsha jabylady
ASTANA. KAZINFORM — Astanada jol jumysynyń júrgizilýine baılanysty 22-24 mamyr aralyǵynda Turan dańǵyly boıyndaǵy jergilikti jol ótkeli tolyqtaı jabylatyn bolady. Bul týraly Astana qalasynyń ákimdigi málim etti.
Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet.
— Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — delingen habarlamada.
Buǵan deıin búgin elordada eki avtobýstyń qoǵalys baǵyty ýaqytsha ózgergenin jazdyq.
Elordada sondaı-aq Kereı Jánibek handary kóshesiniń Á. Bókeıhan kóshesinen Sh. Murtaza kóshesine deıingi ýchaskede jol tósemine ortasha jóndeý jumystary júrgiziledi. Osyǵan baılanysty, aǵymdaǵy jyldyń 21-25 mamyr aralyǵynda atalǵan ýchaskede qozǵalys tolyqtaı jabyldy.
