Astanada Turan dańǵylyndaǵy ýchaske ýaqytsha jabylady

ASTANA. KAZINFORM — Astana qalasynyń Kólik jáne jol-kólik ınfraqurylymyn damytý basqarmasy Turan dańǵyly boıynsha Juldyz aınalymynan Hýseın ben Talal kóshesine deıingi ýchaskedegi jol tósemine ortasha jóndeý júrgizedi, dep jazdy elorda ákimdiginiń resmı saıty.

«Qozǵalys osy jyldyń 29 shildesinen 1 tamyzyna deıin ishinara jabylady (buryn joldyń ekinshi jaǵy jabylǵanyn eske salamyz). Bul rette kólik qozǵalysy bir baǵytta (qala baǵytynan áýejaı baǵytyna qaraı) júzege asyrylady. Sondaı-aq, joǵaryda kórsetilgen shemaǵa sáıkes Juldyz aınalymynyń ýchaskesi ishinara jabylady», - delingen habarlamada.

Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.