Astanada Turan dańǵyly jóndeý jumysyna baılanysty ýaqytsha jabyldy
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Turan dańǵylynyń Saraıshyq kóshesinen Kereı Jánibek handar kóshesine deıingi aralyǵyna ortasha jóndeý júrgizedi, dep habarlaıdy elorda ákimdiginiń resmı saıty.
Osyǵan baılanysty, 30 mamyrdan 8 maýsymǵa deıin atalǵan ýchaskedegi qozǵalys ishinara kezeń-kezeńimen jabylady. Bul rette kólik qozǵalysy qaladan áýejaıǵa qaraı bir baǵytta uıymdastyrylatyn bolady.
Osy oraıda 2023 jyly Turan dańǵyly Tulpar kópirinen Saraıshyq kóshesine deıingi ýchaskesinde, sol sııaqty 2024 jyly Kereı Jánibek handar kóshesiniń Juldyz aınalymyna deıingi ýchaskesinde jumys júrgizilgenin esterińizge salamyz.
Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.
Buǵan deıin Almatyda Abaı dańǵylyn uzartý jumystary aıaqtalǵanyn habarlaǵan edik.