Astanada tuńǵysh ret trıatlonnan Álem Kýbogy ótip jatyr
ASTANA. QazAqparat - Astanada trıatlonnan Álem Kýbogy bastaldy, dep habarlaıdy QazAqparat tilshisi
«Bul týrnır Qazaqstan úshin ǵana emes, trıatlon salasyndaǵy tutas halyqaralyq qozǵalys úshin mańyzdy. Postkeńestik keńistikte Álem Kýbogy tuńǵysh ret ótip jatyr. Saıysty ótkizý quqyǵyn Qazaqstannyń jeńip alýy da úlken mártebe», - dedi QR Mádenıet jáne sport mınıstri Arystanbek Muhamedıuly Álem Kýbogynyń ashylý saltanatynda.
Mınıstrdiń aıtýynsha, Álem Kýbogyn ótkizý quqyǵyn jeńip alý ońaıǵa soqqan joq. Áıtse de, Qazaqstannyń ózge eldermen salystyrǵanda birqatar basymdyqtary boldy.
«Eń aldymen, bul respýblıkalyq trıatlon federatsııasynyń eńbegi, sebebi mundaı iri saıysty ótkizý úshin oǵan bar jaǵdaı jasalýy kerek. Qazaqstanda trıatlon óte qarqyndy damyp keledi, buǵan deıin áýesqoılar men sportshylar arasynda birneshe jarys ótkizgenbiz. Ekinshiden - trıatlon Kýbogyn ótkizý úshin ınfraqurylymnyń bolýy jáne úshinshi másele - kópshiliktiń qoldaý bildirýi. Munyń barlyǵy sheshim shyǵarýda óz septigin tıgizdi», - dep atap ótti mınıstr.
Ol Qazaqstandaǵy sport qozǵalysynyń kúnnen-kúnge damyp kele jatqanyn, trıatlon salasynda ǵana emes, marafon ótkizýdiń sánge aınalǵanyn aıtty.
Sýdyń temperatýrasy edáýir tómen bolǵandyqtan, ázirge áıelder arasyndaǵy dýatlon jarysy ótip jatyr. 15:00-de sýdyń salqyndyǵyna qaramastan, erler trıatlonda baq synaıdy.
Aıta keetıik, Astanada ótetin trıatlonnan Álem Kýbogy mamyrdyń 19-20 kúnderi ótedi. Oǵan qatysýǵa 38 memleketten 140 atlet ótinim berdi. Sportshylar standartty qashyqtyq boıynsha synǵa túsedi. ıAǵnı, 1500 metr - júzý, 40 shaqyrym - velokezeń jáne 10 shaqyrym - júgirý.
Sodaı-aq, búgin Trıatlon parkte balalar jarysy, kontserttik jáne oıyn-saýyq baǵdarlamalary ótedi.
20 mamyr kúni Qazaqstandaǵy trıatlon sportyn nasıhattaý men damytý maqsatynda Age Group (áýesqoılar) arasyndaǵy saıys ótedi.
