Astanada tuńǵysh ret Mádenıet jáne óner qyzmetkerleriniń kúni merekelenýde
ASTANA. 29 qyrkúıek. QazAqparat - Búgin Astanada qala basshylyǵy Beıbitshilik jáne kelisim saraıynyń shańyraǵy astynda barsha mádenıet qaıratkerleriniń basyn qosty.
Mádenıet jáne óner qyzmetkerleriniń kúni merekesine oraı Qazaqstan estrada juldyzdarynyń jáne elordalyq óner ujymdarynyń qatysýymen kontsert uıymdastyryldy. Sonymen qatar eń úzdik ártister men sazgerlerge, eńbegi eleýli mádenıet qyzmetkerlerine elorda basshylyǵy atynan gramotalar men aqshalaı granttar tabystaldy.
Tól merekeleri tusynda elordanyń birqatar murajaılary Beıbitshilik jáne kelisim saraıynda foto jáne sýret kórmelerin ótkizdi.
«Bul búkil sala qyzmetkerleri úshin mańyzdy shara. Óıtkeni biz bıyl kásibı merekemizdi tuńǵysh ret ótkizip otyrmyz. Qalada teatr akterlerin, fılarmonııanyń ártisterin jáne bı ansamblderiniń ujymdaryn qosqanda, mádenıet basqarmasynda 2800 astam adam jumys isteıdi. Búgingi is-sharamyz tutas mádenıet salasynda qyzmet etip júrgen barlyq qyzmetkerlerge qurmet kórsetý maqsatynda jasalyp otyr», - deıdi Astana qalalyq mádenıet basqarmasynyń bastyǵy Bolat Majaǵulov.
