Astanada tuńǵysh ret ІІ Halyqaralyq kitap jármeńkesi ótip jatyr

Astanada tuńǵysh ret ótkizilip jatqan kitap jármeńkesi - elordanyń mádenı ómirindegi aıtýly oqıǵalardyń biri.

Jármeńke aıasynda uıymdastyrylǵan kórmege Qazaqstannyń, Reseı Federatsııasynyń jáne ózge de memleketterdiń ádebı, ǵylymı, oqytý-ádistemelik, sondaı-aq balalarǵa arnalǵan kitap basylymdary qoıylǵan. Kórme oqytý-ádistemelik quraldar, ádebı, dinı, mýzykalyq, tehnıkalyq, mýltımedııalyq, elektrondy jáne ózge de basylymdardy tanystyratyn 17 aýqymdy bólimdi qamtıdy.

Halyqaralyq kitap jármeńkesine baspalar, polıgrafııalyq kombınattar, kitaphanalar, kitap dúkenderi, sonymen birge otandyq «Atamura», «Kókjıek-B baspasy», «Shyn-Kitap», shet eldik «LEM», «GBV Dillenburg GmbH» (Germanııa), «Abby Press», «Mozaıka-Sıntez» (Reseı) jáne basqa da baspalar qatysyp jatyr.

Otandyq jáne sheteldik uıymdardy biriktirgen kórme polıgrafııa men baspa isi salasyndaǵy halyqaralyq qatynastardy odan ári nyǵaıta túspek.

30 naýryz - 1 sáýir aralyǵynda ótetin kórme aıasynda kitap naryǵyndaǵy keleli máselelerdi talqylaý maqsatyndaǵy dóńgelek ústelder men semınarlar uıymdastyrylmaq.