Astanada tuńǵysh ret Dúnıejúzilik qar kúni atap ótildi

Bul týraly Shańǵy jarysy federatsııasynan habarlady.

Al mańyzdy baǵdarlama shańǵy jarysy boldy. Baby-sprınttiń jeńimpazdary 1 jas pen 5 jas arasyndaǵy qatysýshylar boldy, 25 metr qashyqtyqqa qyz balalar arasynan -Imanǵojına Tomırıs, jáne ul balalar arasynan Saǵatbek Arýannyń mereıi ústem boldy.

Balalar arasynan jaqyn qashyqtyqqa júgirýden Tereşenko Darıa (qyz balalar arasynan 2004 jyly jáne odan keıingi jyly týylǵandar) jáne Gerasımenko Ilıa (ul balalar arasynan 2004 jyly jáne odan keıingi jyly týylǵandar), Shevchýk Ksenııa (qyz balalar arasynan 2002-2003 j.t.), Gerasımenko V. (ul balalar arasynan 2002-2003 j.t.), Shemelına Anna jáne Tanıchenko Borıs (qyz balalar jáne ul balalar arasynan 2000-2001j.t.) jeńiske jetti.

Aınalma júgirý jarysynan birinshi oryndy Mýllahmetova Raýshan jáne Mıronıýk Artem (1994-1995 j.t.), Jumaǵulova Aıǵanym jáne Kóperbaev Rústem (1996-1997 j.t.), Lıýdvıg Darıa jáne Chervonnyı Vladımır (1998-1999 j.t.) aldy.

Ótkizilgen is-sharadan jeńimpazdar demeýshilerden sporttyq qural-jabdyqtar, oıynshyqtar, sondaı-aq tátti syılyqtar aldy. Marapattaýdy Olımpıada oıyndarynyń 4- márte kúmis jáne 2-márte qola júldegeri, KSRO-nyń shańǵy jarystary boıynsha birneshe márte chempıony Vladımır Smırnov júrgizdi.

Merekelik is-sharany toılaý barysynda Astana turǵyndarynyń arasynda birinshi ret shańǵyda syrǵanaǵandary da boldy, Kókshetaý jáne Balqashtan sport belsendileri de qatysty. Іs-sharadan soń 40-qa jýyq ata-analardan balalaryn shańǵy sektsııasyna berý týraly usynystar kelip tústi.

Qar kúnin toılaý merekesin Halyqaralyq shańǵy sporty federatsııasy qatarynan eki jyl boıy uıymdastyryp keledi. Basty maqsat qysqy sport túrlerine qyzyǵýshylyqty arttyrý jáne jastardy belsendi ómir saltyna tartý. Qazaqstanda is-shara Shańǵy jarysy federatsııasy «Samuryq-Qazyna» qorynyń qoldaýymen ótkizip keledi. Dúnıejúzilik qar kúnin Reseı, Shveıtsarııa, Fınlıandııa, Norvegııa, Vengrııa, ıAponııa syndy álemniń basqa da 39 memleket atap ótedi.