Astanada tuńǵysh ret «Aqberen» respýblıkalyq baıqaýy ótedi
ASTANA. QazAqparat - Qazaqstan Respýblıkasy Bilim jáne ǵylym mınıstrliginiń «Daryn» respýblıkalyq ǵylymı-praktıkalyq ortalyǵy jas urpaqtyń boıyna otanshyldyq pen ulttyq rýhty sińirý, tildi, ádebıetti jete meńgerý maqsatynda 5-10 synyp oqýshylary arasynda osy jyldyń 25-29 mamyrynda tuńǵysh ret «Aqberen» respýblıkalyq baıqaýyn ótkizedi.
Bul týraly «Daryn» ǵylymı-praktıkalyq ortalyǵynyń baspasóz qyzmeti habarlady.
Baıqaýdyń maqsaty men mindeti: jas daryndar arasynan gýmanıtarlyq - estetıkalyq ǵylymdar salasynda kásiptik qyzmetin tańdaýǵa shyǵarmashylyq qabileti joǵary, tapqyr talantty jan - jaqty ónerli balalardy izdep tabý, kásibı baǵdar berý, ulttyq ortany qalyptastyrýǵa jol kórsetip sýyryp salmalyq, ámbebaptyq qabiletterine basa den qoıý (aqyndyq, sheshendik sheberligi, túrli ulttyq aspapta oınaý, t.b.) tabıǵı tanymdyq qabiletterin aıqyndaý
Táýelsiz qazaq eliniń búgingi qudireti, bolashaǵynyń kepili - kemel bilim berer mektebi. Zaman talabyna saı, álem keńistiginde bilim dodasynan taısalmaıtyn jas jetkinshekterdi tárbıeleý basty paryz.
Halyqtyń qalt etpes qaǵıdasyn, eldiktiń eńseli esteligin tanytatyn qazaq tili. Ult taǵylymyn belgili qaǵıdattarǵa súıenip, óskeleń urpaq boıyna ana tildi sińirý ony oqytýdan bastalady.
Atalǵan is-sharaǵa arnaıy mektepterdiń, gımnazııalardyń, lıtseılerdiń, jalpy bilim beretin mektepterdiń 5-10 synyp oqýshylarynan 100-den astam oqýshy qatyspaq.
Óner dodasy 6 atalymda ótpek: sheshendik óner; kórkemsóz oqý; shyǵarma; ulttyq aspapta oınaý; aqyndar aıtysy; aqyndar músháırasy. Onyń aıasynda jańa Astananyń mádenı - oryndarymen tanysý, saıahattaý josparlanǵan.
Baıqaýdyń jeńimpazdary «Daryn» RǴPO ortalyǵynyń I, II, III dárejeli dıplomdarymen jáne ádebıet, mádenıet qoǵam qaıratkerleri atyndaǵy dıplomdarmen marapattalady.
Baıqaýdyń saltanatty ashylýy 2014 jylǵy 27 mamyrda saǵat 10-da, 28 mamyrda saǵat 15.00-de «Tilep qobyz» saraıynda ótedi.
